Sprekk

Eg-forteljaren lever som uteliggar ved Akerselva. Han er ingen vanleg boms, men ein snartenkt, munnrapp og fabulerande samtidsprofet, med fortid som hjelpepleiar. Usynelege liner snor seg gjennom dei mange historiene, frå gutungen Joakim som sel kroppen sin til vaksne menn og som forteljaren prøver å ta seg av, til Bell, kvinna som i tre år lar han oppleve den store, ustyrlege og sanselege kjærleiken. Det er ein roman om kjærleikens krefter i menneskelivet, dei gode som dei vonde.