R ei urokråke i språket

Arne Torp fortel om lyden R, som eigentleg ikkje er éin lyd, men mange. Både rulle-r og skarre-r har sin plass i det norske språket, men forfattaren viser òg at r-en har fleire lydlege slektningar: Den tjukke l-en er til dømes veslebror til r-en og stamfar til retrofleksane, som samtidig også er avkom etter r-en. Forfattaren dreg også ut i Europa på jakt etter "ur-r-en" og fortel historia om korleis skarre-r-en har spreidd seg. Med litteraturliste og liste over faguttrykk.