Gudefjellet

Her er ei samling mytar og segner frå det gamle Hellas. Liksom den norrøne gudelæra er dei greske mytane forteljingar som vart skapte lenge før kristen tid, for å forklare kva som skjedde i naturen og med menneska. I tre og elvar, kjelder og fjell levde guddommelege skapningar som tenkte og handla som menneske. Gudane budde på fjellet Olymp, men dei vandra ofte omkring på jorda. Det var dei som rådde over lagnaden til menneska, og det lønte seg å halde seg til venns med dei. Diktaren Homer skreiv ned dei gamle segnene, som er blitt kjende verda over.