Naken gut

Reiste eg vekk for å lengta heim? Nei, eg reiste vekk for å finna det beste av alt. Det som alle hadde reist ut i verda etter, men kanskje ingen hadde funne endå. Eg visste ikkje kva det var. Men eg trudde lagnaden ville fylla meg opp, og ein dag senda meg heim att med ei rose i munnen og sjela av ville glitrande minne..

Arne Bu slutta brått i den vidaregåande skule og reiste frå kjærasten sin. Han har hamna på brakke i ein frmand by saman med to eldre karar og jobbar på ein byggeplass. No er han klar for livets kaotiske utfalding, med sin nærande damp og si sitrande lyst! På attenårsdagen går han ut i ny gul bukse for å feira med eit besøk der dei hundre sjukepleiarane bur.