Motbakke-moro

Det er i motbakke det går oppover. Kloke ord som mange etterkvart er begynt å ta heilt bokstaveleg. Motbakkeløp har hatt ein eventyrleg framgang, både når det gjeld talet på deltakarar og talet på løp som vert arrangert i Norge. Fleire og fleire mosjonistar, barn og unge kjem seg ut i naturen og deltek i motbakkeløp, og arrangørane legg alt til rette for at alle skal kunne delta og ha ei god oppleving. MotbakkeMoro er boka for deg som er fascinert av denne idretten, og som vil lese om dei ulike motbakkeløpa her i landet. Boka inneheld faktainformasjon og skildring av kvart løp, flotte foto, terminliste og tips til trening, utstyr og ernæring. MotbakkeMoro inneheld også treningsprogram til dei siste seks vekene før konkurransedagen, signert verdas beste motbakkeløpar, Jonathan Wyatt. Eit knippe av dei beste motbakkeløparane i Norge gjev tips og råd til sine favorittløp.