Han gjorde det

Maktkamp, strid om odelsrett, gammal firkanta bondeideologi mot såra sjølvkjensle. Dette er stikkord frå familietragedien i ei vestnorsk bygd kring 1960. Dei som set dramaet i gang, er mennene i familien: Ein far, ein farbror, ein bestefar. Men den som opplever hendingane sterkast, er vesle Espen. No ligg han på loftet og snakkar til katten sin, prøver å setja bitane saman slik at han kan forstå det som skjedde. Gjennom å fortelja får han oversyn og styrke til sjølv å gripe inn i dei vaksne sin situasjon.